ኣብ ፈረንሳይ ዝተገበረ ሰፊሕ ተቓውሞ፡ ከቢድ ዕንወትን ማእሰርትን ኣስዒቡ

ኣብ ፈረንሳይ ዋና ከተማ ፓሪስን ካልኦት ከተማታትን ዝተላዕለ ዓቢይ ተቓውሞ፡ ከቢድ ዕንወትን ማእሰርትን ኣስዒቡ። እቲ ሰልፊ ዕለት 17 ጥቅምቲ ዝተኻየደ ኮይኑ፡ ቀንዲ ጠንቅታት ድማ ኣብ ቤት ትምህርትታት ዘሎ ጸገማትን ዋጋ ምህሮን እዩ። መንግስቲ ፈረንሳይ ልዕሊ ፈረቓ ሚልዮን ሰባት ዝተሳተፍዎ እቲ ሰልፊ ናብ ጎንጺ ከም ዝተቐየረ ገሊጹ፡ ብውሑድ 1,200 ሰባት ከም ዝተታሕዙ ኣፍሊጡ።

ኣብ ፓሪስ፡ ሊሞዥ፡ ሊዮንን ካልኦት ከተማታትን ዝተራእየ ጎንጺ፡ ባርዕን ስርቅን ከም ዝተፈጥረ ተገሊጹ። ኣብ መንጎ ፖሊስን ተቓወምትን ኣብ ዝተፈጥረ ግጭት 150 ፖሊሰኛታት ከም ዝተጎድኡ ተፈሊጡ። ሰበ ስልጣን ነቲ ጎንጺ ብትሪ ዝረገሙ ኮይኖም፡ ከንቲባታት እተን ከተማታት ድማ ታሪኻዊ ህንጻታትን ትካላት ቱሪዝምን ከም ዝዓነዉ ገሊጾም እዮም።