Humnoonni Eertiraa Addigiraat Keessaan Gara Maqaleetti Socho'aa Jiraachuun Gabaasame

Jiraattonni magaalaa Addigiraatii fi naannawa ishee humnoonni waraanaa Eertiraa magaalaa sana keessa darbuun gara Maqaleetti socho'aa jiraachuu BBC fi AFP'tti himaniiru. Namoota ijaan argan keessaa tokko konkolaattota fe'uumsaa 40 ol kan loltoota Eertiraa fe'an maqaalaa naannoo Idaagaa Haamuus irraa gara daandii Maqaleetti wayita socho'an arguu ibseera. Haalli kun kan mul'ate walitti bu'iinsi naannoo Tigraay keessatti hammaachaa fi giddudduun Itoophiyaa fi Eertiraa komii fi muddama dippilomaasiitiin keessa jirtuudha. Biyyoonni lamaan imbaasiiwwan isaanii kan Asmaraa fi Finfinnee jiran kan cufan yoo ta'u, dippilomaatota walii isaaniis biyyaa ariataniiru. Gama biraatiin, Eertiraa, Masrii, Sudaan fi Somaaliyaan Masrii keessatti walga'uun dhimma waloo nageenya naannichaa fi deegarsa waraanaarratti waliigaluun isaanii gabaasameera.