ሓይልታት ኤርትራ ብዓዲግራት ኣቢሎም ናብ መቐለ ይንቀሳቐሱ ከምዘለው ተገሊፁ

ነበርቲ ዓዲግራትን ኣከባቢኣን ሓይልታት ወታደር ኤርትራ ብታ ናይቲ ኸተማ ኣቢሎም ናብ ኣንፈት መቐለ ይንቀሳቐሱ ከምዘለው ንቢቢሲን ኤኤፍፒን ሓቢሮም። እቶም ነበርቲ ከምዝገለፅዎ ልዕሊ 40 ወታደራት ኤርትራ ዝፅዓና መኻይንን ኣጋር ሰራዊትን ናብ መቐለ ዘብፅሕ ዓቢይ መገዲ ተኸቲሎም ክጓዓዙ ርእዮም። እዚ ፍፅፀም ዝረአ ዘሎ ኣብ ክልል ትግራይ ሓዲሽ ግጭት ኣብ ዝገደደሉን ኣብ መንጎ ኢትዮጵያን ኤርትራን ዘሎ ዲፕሎማሲያዊ ወጥሪ ብከፍተኛ ብርኪ ኣብ ዝወሰኸሉን እዋን እዩ። ክልቲአን ሃገራት ኣብዚ ቀረባ እዋናት ኤምባሲታትአን ዝኣፀዋ እንትኾና ዲፕሎማታት እውን ኣባሪረን እየን። ብተወሳኺ ኤርትራ፣ ግብፂ፣ ሱዳንን ሶማሊያን ኣብ ከባብያዊ ፀጥታን ወታደራዊ ምትሕግጋዝን ዘተኮረ ስምምዕ ከምዝገበራ ተገሊፁ ኣሎ።