MM Abiy Ahmed waa'ee ijaarsa wiirtuu anniisaa nukilaraa ibsa kennan

Ministirri Muummee Abiy Ahmed ijaarsa wiirtuu anniisaa nukilaraaf iddoowwan 30 ol sakatta'amaa turan keessaa, amma gara sadiitti hir'achuu ibsani. Komishinii Anniisaa Nukilaraa Itoophiyaa daawwatanitti, MM Abiy pirojektichi kan yeroo dheeraa fi misooma biyyattii keessatti gahee murteessaa qabaachuu dubbatan. Teeknooloojiin kun fayyaa, qonna, industirii fi eegumsa naannoof gumaacha guddaa qaba.

Itoophiyaan yuunitiiwwan anniisaa nukilaraa lama kan tokkoon tokkoonsaanii 1,200 megawatiin maddisiisan ijaaruuf karoorsiteetti. Walumaagalatti megawatiin 2,400 kan maddisiisu pirojektichi, Hidha Haaromsaa caalaatti yeroo guutuu anniisaa amansiisaa ta'e kan kennu ta'uu ibsameera. Ijaarsi pirojektii kanaa yoo ariifanne illee waggaa kudhan akka fudhatu MM Abiy himaniiru.