በሞያሌ የሁለቱ ክልሎች ግጭት ቀጥሏል፤ 50 ሺህ ሰዎች ወደ ኬንያ ተሰደዋል

በኢትዮጵያ ኦሮሚያ እና ሶማሌ ክልሎች አዋሳኝ በምትገኘው ሞያሌ ከተማ በመካሄድ ላይ ባለው ግጭት እስካሁን 50 ሺህ የሚጠጉ ሰዎች ተፈናቅለው ወደ ኬንያ መሻገራቸውን የተባበሩት መንግስታት ድርጅት አስታወቀ። በግጭቱ የተተኮሱ ጥይቶች የኬንያን ድንበር ጥሰው የገቡ ሲሆን በአንድ ትምህርት ቤት ላይ መውደቃቸውን የኬንያ የፖሊስ አዛዥ ጆርጅ ኪፕኮሮስ ገልጸዋል። በኢትዮጵያ በኩል ያለው የሁለቱ ክልሎች አስተዳደርም ሆነ የፌደራል መንግስት እስካሁን በጉዳዩ ላይ መግለጫ አልሰጡም።

ግጭቱ የጀመረው በሶማሌ ክልል ባንዲራ አሰቃቂ ግድያ መፈጸሙን ተከትሎ ሲሆን፣ የሁለቱ ክልሎች ባለስልጣናት እርስ በርስ በመወቃቀስ ላይ ናቸው። የሶማሌ ክልል ባለፈው ዓመት አዳዲስ ወረዳዎችን በማቋቋሙ የክልሉን ድንበር ተሻግሯል በሚል በኦሮሚያ በኩል ተቃውሞ ሲነሳ ቆይቷል። በአካባቢው ደህንነት ስጋት በመኖሩ የኬንያ መንግስት የጸጥታ ሃይሎችን ድንበር ላይ አሰማርቷል።