Walitti bu'insa Mooyyalee: Namoonni 40,000 ol gara Keeniyaatti baqatan

Walitti bu'insi torban tokkoon dura magaalaa Mooyyalee keessatti jalqabe, namoonni 40,000 ol gara biyya Keeniyaatti akka baqatan Waldaan Qaxxaamura Diimaa Keeniyaa beeksisera. Jiraattonni magaaltitti akka himanitti, mootummaan federaalaas ta'e kan naannoo humna nageenyaa tasgabbeessu hin bobbaasne. Walitti bu'insi kun ka'uumsi isaa kan jalqabe alaabaa naannoo Somaalee fannisuu irratti ta'uu kantiibonni magaalaatii fi jiraattonni ni dubbatu.

Jiraattonni miidhaan guddaan meeshaa gurguddaa irraa gahaa akka jiru ibsaniiru. Namoonni hedduun beelaan miidhamanii fi yaala dhabanii jiru. Kantiibaan magaalaa Mooyyalee (naannoo Oromiyaa) Obbo Galmaa Korophichaa, walitti bu'insi kun kan hin malledha jedhan. Gama biraatiin, kantiibaan magaalaa Mooyyalee (naannoo Somaalee) Obbo Kulla Ali Abdirahman, walitti bu'insichi dhimma waajjira bulchiinsaa haaraa hundeessuun wal qabata jedhaniiru.