Afrikaa Kibbaa: Magaalaa Darbanitti namni biyya alaa tokko gareen reebamee ajjeefame

Magaalaa Darban, Afrikaa Kibbaatti gareen namoota 50 ta'an nama biyya alaa tokko reebanii ajjeesuu poolisiin beeksiseera. Namni umriin isaa 30 hanga 40 gidduu jiru kun, jalqaba namoota lamaan erga haleelamee booda garee guddaadhaan reebamee lubbuun isaa darbeera. Poolisiin qorannoo eegaleera, garuu sababiin ajjeechaa kanaa hin beekamu. Afrikaan Kibbaa waggaa kana keessa mormii fi hokkora godaantota irratti xiyyeeffate keessa turte; keessattuu Darban keessatti qabeenya namoota biyya alaa irratti ibidda qabsiisuu fi saamichatu ture. Biyyatii waggaa 20f rakkoo jibba namoota biyya alaa (xenophobia) waliin wal qabatu keessa kan jirtu yoo ta'u, bara 2008 namoonni 60 ol ajjeefamaniiru. Hokkorri kun hiyyuummaa, walqixxummaa dhabuu fi hojii dhabuun akka walqabatu himama, garuu himannaan godaantonni yakka hojjetu jedhu ragaan deeggaramee hin jiru.