ደቡብ አፍሪካ፡ በዳርባን ከተማ አንድ የውጭ ዜጋ በቡድን ተደብድቦ ተገደለ

በደቡብ አፍሪካ ዳርባን ከተማ አንድ ማንነቱ ያልታወቀ የውጭ ዜጋ በ50 ሰዎች ቡድን ተደብድቦ መገደሉን ፖሊስ አስታወቀ። በ30ዎቹ እና 40ዎቹ ዕድሜ ውስጥ የሚገኘው ግለሰብ በሁለት ሰዎች መነሻነት ጥቃት እንደተፈጸመበትና በኋላም በቡድኑ እንደተደበደበ ተገልጿል። ፖሊስ ስለ ግድያው ምርመራ እየጀመረ ሲሆን፣ የጥቃቱ መንስኤ እስካሁን አልታወቀም። ደቡብ አፍሪካ ዘንድሮ በተደጋጋሚ የውጭ ዜጎችን ኢላማ ያደረጉ ተቃውሞዎች እና ሁከት ሲታይባት ቆይቷል። በተለይም በዳርባን ከተማ የውጭ ዜጎች ንብረት የሆኑ መደብሮችና ተሽከርካሪዎች ላይ ጥቃት ሲፈጸም ነበር። ሀገሪቱ ለ20 ዓመታት የውጭ ዜጎች ጥላቻ (xenophobia) ጋር ተያይዞ ችግር ውስጥ የቆየች ሲሆን፣ በ2008 በተፈጠረው ግጭት ከ60 በላይ ሰዎች ተገድለዋል። ለዚህ ተደጋጋሚ ጥቃት እንደ ምክንያት የሚጠቀሰው ከፍተኛ የሥራ አጥነት፣ ድህነት እና የኢኮኖሚ ቀውስ ቢሆንም፣ የውጭ ዜጎች ወንጀል እንደሚፈጽሙ የሚቀርበው ክስ ግን በማስረጃ አልተረጋገጠም።