ደቡብ አፍሪካ፡ ኣብ ከተማ ዳርባን ሓደ ወጻኢተኛ ብጉጅለ ተቀቲሉ

ኣብ ደቡብ ኣፍሪካ ከተማ ዳርባን፡ ሓደ መንነቱ ዘይተፈልጠ ወጻኢተኛ ብጉጅለ 50 ሰባት ተደብዲቡ ከምዝተቐትለ ፖሊስ ኣፍሊጡ። እቲ ዕድሚኡ ካብ 30 ክሳብ 40 ዓመት ዝግመት ግዳይ፡ ብኽልተ ሰባት ተበጊሱ ድሕሪኡ ድማ ብጉጅለ ከምዝተወቕዐ ተገሊጹ። ፖሊስ ምርመራ ከካይድ እንከሎ፡ ምኽንያት እቲ መጥቃዕቲ ግን ክሳብ ሕጂ ኣይተፈልጠን። ደቡብ ኣፍሪካ ኣብዚ ዓመትዚ፡ ወጻእተኛታት ዝዓለመ ተደጋጋሚ ተቓውሞታትን ሁከትን ከምዘጋጠማ ይዝከር። ብፍላይ ኣብ ዳርባን፡ ንብረት ወጻእተኛታት ዝኾኑ ድኳናትን መካይንን ክውርወሩ ጸኒሖም እዮም። እታ ሃገር ን20 ዓመታት ምስ ጸልኢ ወጻእተኛታት (xenophobia) ተኣሳሲሩ ዝመጸ ጸገማት ዘለዋ ኮይና፡ ብፍላይ ብ2008 ኣብ ዝተፈጥረ ግጭት ልዕሊ 60 ሰባት ተቐቲሎም እዮም። ንእቲ ሁከት ከም ምኽንያት ዝጥቀስ ድኽነትን ስራሕ ኣጥነትን እንተኾነ እውን፡ ወጻእተኛታት ገበን ይፍጽሙ ዝብል ክሲ ግን ብመርትዖ ዝተረጋገጸ ኣይኮነን።