ትራምፕ ናይ ነዳዲ ናብ ወፃኢ ምልኣኽ ንምእጋድ ምሕሳቦም ኣብ ኤውሮጳን ዓለምን ስግኣት ፈጢሩ

ፕሬዝዳንት ኣሜሪካ ዶናልድ ትራምፕ ሃገሮም ናብ ወፃኢ እትልእኮ ነዳዲ ንምእጋድ ብፅንዓት ሕስብ ኣቢሎሙሉ ከምዘለዉ ገሊፆም። ስዒቡ እውን ኣሜሪካ ንሃገራት ኤውሮጳ ዘለወን ክዝክ ነዳዲ ናብ ገበያ ክልእካ ሕቶ ኣቕሪባ ኣላ። ኣሜሪካ ኣብ መዓልቲ ካብ 1.2 ክሳብ 1.5 ሚሊዮን ባሬል ነዳዲ ናብ ወፃኢ እትልእኽ ብምዃና፣ እዚ እገዳ እዚ ኣብ ዋጋ ነዳዲ ዓለም ዓብዪ ፅልዋ ከሕድር እዩ ተባሂሉ ይስጋእ። ብሪጣንያን ሕብረት ኤውሮጳን ነዚ ክስዕብ ዝኽእል ናይ ነዳዲ ሕፅረት ምላሽ ንምሃብ ኣቐዲሞም ዘተ የካይዱ ኣለዉ። ብተወሳኺ ምስ ኢራን ዘሎ ወታደራዊ ውጥረት፣ ኣብ ሩሲያ ዝተነበረ እገዳን ቻይና ናይ ውሽጢ ዓዲ ጠለብ ንምምላእ ናብ ወፃኢ እትልእኮ ዝነበረት ፍርያት ነዳዲ ምእጋዳን ነቲ ናይ ዓለም ገበያ ነዳዲ ብዝበለፀ ኣጋቢርዎ ይርከብ።