ድኹም ኣቅም ተጻዋታይ ኣርሰናል ኤዜ

ማእከላይ ተጻዋታይ ኣርሰናል ኤቤሬቺ ኤዜ ኣብዚ እዋንዚ ዝቅ ዝበለ ናይ መጻወቲ ዓቅሚ የርኢ ኣሎ። ኣብቲ ዝሓለፈ መዓልቲ ምስ ኖቲንገም ፎረስት ኣብ ዝተገብረ ጸወታ ካብ መጀመርታ ተሰሊፉ እኳ እንተነበረ፡ ኣብ እዋን ዕረፍቲ ተቀይሩ ክወጽእ ተገዲዱ። ነበር ተጻዋታይ ኣርሰናል ማት አፕሰን፡ ኤዜ ኣብ ኣርሰናል ዘለዎ ግደ ንጹር ብዘይምዃኑን ካብቲ ትጽቢት ዝግበረሉ ዓቅሚ ወሪዱ ከም ዘሎን ገሊጹ። ካብ ክሪስታል ፓላስ ናብ ኣርሰናል ምስ መጸ ዝነበሮ ፍሉይ ዓቅሚ ሕጂ እናጠፍአ ምኻዱ ደገፍቲ ከም ዘሻቀለ ይግለጽ። ኣሰልጣኝ ሚኬል አርቴታ ንኤዜ ኣብ ዝተፈላለዩ ቦታታት እናተጠቅምሉ እኳ እንተለዉ፡ ስርቱ ድማ ክረኽብ ኣይከኣለን።