Magaalaa Naayiroobii, Islii keessatti gamoon abbaa darbii 12 jige

Magaalaa Naayiroobii, ganda Islii jedhamu keessatti gamoon abbaa darbii 12 ijaarsarra ture akka jige beekameera. Bulchiinsi magaalichaa akka ibseetti, namoonni keessatti danqamuu waan danda'aniif lubbuu baraartonnii fi gargaartonni hatattamaa bakkichatti bobba'anii hojjechaa jiru. Isliin bakkee daldalaati, akkasumas lammiileen Itoophiyaas itti baay'atani waan ta'eef balaan kun hawaasa biratti yaaddoo guddaa uumeera. Namoonni ijaan argan akka jedhanitti, gamoon kun yeroo dhihootti banamuuf ture. Namoonni suuqii gamoo kanarra jirurra kireeffachuu barbaadan ilaaluf keessa akka turan himameera. Sababni balaa kanaa hamma ammaatti ifa hin taane.