ኣብ ናይሮቢ እስሊ፡ 12 ደብሪ ዘለዎ ህንጻ ዓንዩ

ኣብታ ርእሰ ከተማ ኬንያ ናይሮቢ፡ ኣብ ዝርከብ እስሊ ዝተባህለ ከባቢ፡ ኣብ ህንጸት ዝነበረ 12 ደብሪ ዘለዎ ህንጻ ዓንዩ። ምምሕዳር ከተማ ናይሮቢ ከም ዝገለጾ፡ ሰባት ኣብ ትሕቲ እቲ ፍርስራሽ ተዓጽዮም ክህልዉ ስለ ዝኽእሉ፡ ጉጅለታት ኣድሕን ህይወት ኣብቲ ቦታ ተዋፊሮም ይርከቡ። እቲ ከባቢ ብዙሓት ኢትዮጵያውያን ነጋዶ ዝርከብዎ ቦታ ስለ ዝኾነ፡ ስግኣት ፈጢሩ ኣሎ። ምስክርነታት ከም ዝሕብሮ፡ እቲ ህንጻ ኣብ ቀረባ ግዜ ክኽፈት ተዳልዩ ዝነበረ ኮይኑ፡ ኣብቲ እዋን ናይቲ ዕንወት ድማ ንግዲ ክረኽቡ ዝመጹ ሰባት ኣብ ውሽጢ ከም ዝነበሩ ተገሊጹ። ምኽንያት ናይቲ ህንጻ ምዕናው ክሳብ ሕጂ ኣይተፈልጠን።