ጀነራል ኣልቡርሃንን ልኡል መሓመድ ቢን ሳልማንን ብተለፎን ዘተ ኣካይዶም

መራሒ ወተሃደራዊ ባይቶ ልዑላውነት ሱዳን ጀነራል ዓብደልፈታሕ ኣልቡርሃንን ወራሲ ዓራት ስዑዲ ዓረብ ልኡል መሓመድ ቢን ሳልማንን ብተለፎን ኣብ ዘካየድዎ ዘተ፡ ክልተአን ሃገራት ኣብ ልዑላውነትን ቀጣናዊ ጸጥታን ዘለወን ሓባራዊ ደገፍ ኣረጋጊጸን። ኣብዚ ዘተ፡ ጀነራል ኣልቡርሃን ዕጡቓት ሑቲ የመን ኣብ ልዕሊ ስዑዲ ዓረብ ዘካይድዎ ዘለዉ መጥቃዕትታት ብትሪ ብምዅናን፡ ሪያድ ዶባታ ንምሕላው ዝወሰደቶ ጸጥታዊ ስጕምቲ ደገፉ ገሊጹ። ልኡል መሓመድ ቢን ሳልማን ብወገኑ፡ ሃገሩ ንልዑላውነትን ምሉእ ግዝኣታዊ ሓድነትን ሱዳን ዘለዋ ጽኑዕ ተወፋይነት ደጊሙ ኣረጋጊጹ። ስዑዲ ዓረብ ምስ ኣመሪካ ብምዃን ኣብ ጅዳ ናይ ሰላም ዘተታት ከተአንግድ ዝጸንሐት እንተ Pls፡ ንሕጋውነት መንግስቲ ሱዳን ብምእማን ግዳማዊ ምትእትታው ከም ዘይትቕበል ኣፍሊጣ። እዚ ዝኸውን ዘሎ ካብ ሚያዝያ 2023 ጀሚሩ ኣብ መንጎ ሰራዊት ሱዳንን ዕጡቓት ዳዕመ-ሰሪዕን ብዝተወለዐ ኲናት ልዕሊ 10 ሚልዮን ሰባት ካብ መረበቶም ኣብ ዝተመዛበሉሉ እዋን እዩ።