ኣብ መቐለ ኣብያተ ፅሕፈት መንግስቲ ከምዝተዘረፉን ኣገልግሎታት መራኸቢ ከምዝተቛረፁን ነበርቲ ገሊፆም

ኣብ ርእሰ ከተማ ትግራይ-መቐለ ኣብ ዘለዉ ኣብያተ ፅሕፈት መንግስቲ፣ ጣብያታት ፖሊስን ቤት ፅሕፈት ፕረዚደንት ክልልን ሰፊሕ ዘረፋን ዕንወትን ከምዝተፈፀመ ነበርቲ ንቢቢሲ ገሊፆም። ምስቲ ዝተራእየ ወተሃደራዊ ግጭት ተኣሳሲሩ ኣገልግሎት ባንኪ፣ ስልክን ኢንተርኔትን ምruleፁ ነቲ ኩነታት ኣዝዩ ኣጸጋሚ ኣቢልዎ ፀኒሑ። እቶም ነበርቲ እተን ዝሓለፋ ዓሰርተ መዓልታት ብሰንኪ ሕጽረት ገንዘብን ከቢድ ዘይውሕስነትን ኣዝየን ኣፀጋምቲ ከምዝነበራ ገሊፆም። ሕዚ እውን ካብ ርሑቕ ቶኽሲ ዝሰምዑ እንተኾኑ፡ ሓይልታት ሰላም ናብታ ከተማ ካብ ዝኣትዉ ኩነታት ፀጥታ ብተዛማዲ እናተመሓየሸ ምምፅኡ ተሓቢሩ ኣሎ። ሓይልታት ፌደራል ኣብ ወሰናወሰን መቐለ ከምዝርከቡን፡ ገለ ነበርቲ ድማ ተወዲቦም ከም ሪፈረራል ሆስፒታልን ቴሌኮምን ዝኣመሰሉ ህዝባዊ ትካላት ካብ ዘረፋ ከምዘድሐኑ ገሊፆም።