ኣብ ኣመሪካ ሚነሶታ ህይወት 19 ቈልዑ ዘድሓነ መንእሰይ ኤርትራዊ

ኣብ ኣመሪካ ሚነሶታ ከተማ ሰይንት ፖል፡ ኤብሮ ኣሕመድ ዝተባህለ ወዲ 27 ዓመት መንእሰይ ኤርትራዊ፡ መራሒ ኣውቶቡስ ሃንደበታዊ ጸገም ጥዕና ምስ ኣጋጠሞ ነታ ኣውቶቡስ ደው ብምባል 19 ተመሃሮ ካብ ሓደጋ ኣድሒኑ። እቲ መንእሰይ ነታ ኣውቶቡስ ብዘይመቆጻጸሪ ክትከይድ ከላ ምስ ረኣየ፡ ናብ ውሽጢ ብምእታው ንመንቀሳቐሲታ ናብ ባዶ ብምቕያር ነቲ ናይ ህጹጽ እዋን ፍሬኖ ብምጥቃም ደው ኣበላ። ነዚ ጀግንነት ንምፍጻም ድማ ካብ ቍርኣን ዝረኸቦ ጥቕሲን ካብ ናይ ሕክምና ድራማታት ዝቐሰሞ ተመክሮን ከም ዝተጠቕመ ገሊጹ። ኣብቲ ፍጻመ ዝዀነ ተመሃራይ ኣይተጐድአን። እቲ መራሒ ናብ ሆስፒታል ተወስዱ እናተሓከመ ይርከብ። እቲ መንእሰይ ድማ ብዘርኣዮ ጀግንነት እውቅና ተዋሂብዎ።