ዲሞክራት ንባይቶ ኣመሪካ ተቖጻጺሮም

ኣብ ዝተገብረ ወሳኒ ማእከላይ ዘመን መረጻ ኣመሪካ፡ ሰልፊ ዲሞክራት ኣብ ወሰንቲ ግዝኣታት ብምዕዋት ንኮንግረስ ተቖጻጺርዎ ኣሎ። እዚ ውጽኢት እዚ ንመወዳእታ ክልተ ዓመት ግዝኣት ፕረዚደንት ዶናልድ ትራምፕ ዝውስን ከም ዝኸውን ተገሊጹ። መረጽቲ ንምርጫ ዝድርኾም ዝነበረ ቀንዲ ምኽንያት ድማ ጸገም ቁጠባ፣ ዋጋ ነዳድን ወጻኢታት ገዛን ከም ዝዀነ መጽናዕትታት ርእይቶ ህዝቢ የረድእ። ሰልፊ ሪፓብሊካን ንዝነበሮም መናብር ንምክልኻል ይቃለሱ እኳ እንተነበሩ፡ ቀዳማይ ጸብጻብ ሲቢኤስ ከም ዘርእዮ ግን ዲሞክራት ኣብቲ ሪፓብሊካን ዝቆጻጸርዎ ዝነበሩ ከባቢታት እናሰዓሩ ይርከቡ። ብተወሳኺ ዲሞክራት ንሰኔት ኣመሪካ እውን ክቆጻጸርዎ ትጽቢት ይግበር።