ኣብ ደቡብ ኣፍሪቃ ከተማ ደርባን ሓደ ወጻእተኛ ተቐቲሉ

ኣብ ደቡብ ኣፍሪቃ ከተማ ደርባን ኣስታት 50 ዝዀኑ ሰባት ንሓደ ወጻእተኛ ብምቕጥቃጥ ከምዝቐተልዎ ፖሊስ እታ ሃገር ኣፍሊጡ። እቲ መንነቱ ዘይተገለጸ ኣብ መወዳእታ 30ታት ወይ መጀመርታ 40ታት ዕድመ ዝርከብ ወጻእተኛ፡ ኣብ ወሰን ጽርግያ እንከሎ ብኽልተ መንእሰያት ድሕሪ ምቕራቡ፡ ብብዙሓት ሰባት ተኸቢቡ ኣብቲ ቦታ ህይወቱ ሓሊፉ። እዚ መጥቃዕቲ ኣብዚ ዓመት ኣብ ደቡብ ኣፍሪቃ እናተራእየ ዝጸንሐ ናይ ውጽእተኛታት ምጽላእ ስምዒትን ተቓውሞን ኣካል እዩ። ወሃቢ ቃል ፖሊስ እቲ ከባቢ ሮበርት ኔትሺንዳ፡ መበገሲ ናይቲ መጥቃዕቲ ይጻረ ከምዘሎ ገሊጹ። እዚ ተርእዮ ድኽነትን ሽቕለት ኣልቦነትን ከም መኽንያት ዝጠቕሱ እንተኾነ፡ ተመራመርቲ ግን እቲ ወጻእተኛታት ዕድል ስራሕ የጥፍኡ ዘለዉ ዝብል መረረ መርትዖ ዘይብሉ ምዃኑ ይገልጹ።