ዶናልድ ትራምፕ ኣብ ልዕሊ ሩስያ ክግበር ዝነበረ እገዳ ኣጊዱ

ፕሬዚደንት ዶናልድ ትራምፕ ኣብ ልዕሊ ሩስያ ተኣዊጁ ኣብ ዝቕጽሉ ክልተ መዓልታት ተግባራዊ ክኸውን ዝነበረ እገዳ ኣጊዶምዎ። እቲ ውሳኔ ምስ ዩክሬናዊ መዘንኦም ቮሎዲሚር ዘለንስኪ ዘለዎም ምትፍናን እናዓሞቐ ኣብ ዝኸደሉ ዘሎ እዋን ዝተወስደ እዩ። ትራምፕ ነቲ እገዳ ዘጊድዎ፡ እቲ ስጉምቲ ኣብ ልዕሊ ቁጠባ ኣመሪካን ዓለምን ዓቢ ዕንወት ከኸትል ስለዝኽእል እዩ ክብሉ ገሊጾም። ዘለንስኪ በቲ ውሳኔ ከምዘሕዘኖን፡ እቲ እገዳ ኵናት ንምውዳእ ግፊት ንምፍጣር ዓቢ ግደ ከምዝነበሮን ኣፍሊጡ። ጸሓፊ ጉዳያት ወጻኢ ኣመሪካ ማርኮ ሩብዮ፡ እቲ እገዳ ንዝቕጽል 60 መዓልታት ተሪፉ ከምዝጸንሕ ኣፍሊጡ። እዚ ስጉምቲ ካብ ክልቲኤን ቀንዲ ሰልፍታት ኣመሪካ ተቓውሞ ኣስዒቡ ኣሎ፡ እዚ ድማ ምስቲ ኣብ መንጎ ኣመሪካን ሩስያን ዝተገብረ ናይ ነዳዲ ስምምዕ ተተሓሒዙ ዝመጸ እዩ። እቲ እገዳ ነተን ካብ ሩስያ ነዳዲ ዝሽምታ ሃገራትን ላዕለዎት ሓለፍቲ ሩስያን ንምቕጻዕ ዝዓለመ ነይሩ።