Itoophiyaan dippiloomatoota Sudaan jahan akka biyyaa bahan ajaje

Itoophiyaan hojjettoota konsilaa Sudaan jahan magaalaa Asosaa keessa jiran sa'aatii 48 keessatti biyyattii akka gadhiisan ajajuushee Rooytars hoggantoota Itoophiyaa caqasuun gabaase. Murtiin kun kan dhufu yeroo Addis Abbaafi Khartuum diinota walii deggaruun wal himachaa jiranittidha. Sudaan Itoophiyaan humna RSF deggerti jechuun himatti; Itoophiyaan ammoo Sudaan gareewwan hidhatan Itoophiyaa kaabaa keessa jiran deggerti jechuun himatti. Kana malees, Gibxiifi Sudaan dhiheenya kana Itoophiyaan laga Abbayyaarratti tarkaanfii kophaa ishee fudhattu mormuun ibsa waloo baasaniiru. Mootummaan Itoophiyaas himannaa isarratti dhiyaate kana gadi jabeessuun mormuun, hidhichi guddina dinagdeef barbaachisaa ta'uufi biyyoota laga gadii miidhuu akka hin dandeenye ibseera.