ስለያ ዩክሬን ኣብ ውሽጢ ሩስያ ዘለዉ መርበባት ስለያ የቃልዕ

ኣብ ሩስያ ዝርከቡ ሰለማዊያን ደገፍቲ ዩክሬን ንሩስያ ዘዳኽም ምንቅስቓስ ከምዘካይዱ ሓድሽ ናይ ቢቢሲ ዶክመንታሪ የቃልዕ። 'ኢቫን'ን 'ፎማ'ን ዝተባህሉ ሰባት ምስ ወተሃደራዊ ስለያ ዩክሬን (GUR) ብምትሕብባር ኣብ ውሽጢ ሩስያ ዝርከቡ ስትራተጂያዊ መዓስከራት ወታሃደራትን ፋብሪካታት ኣጽዋርን ንምክትታል ከምዝሰርሑ ይገልጹ። ፎማ ብወገኑ ካብ 300 ክሳብ 500 ዝበጽሑ በብዓይነቱ መደባት ዘለዉ ወለንተኛታት ከምዝመሓድርን፡ ንላዕለዎት መኮንናት ሩስያ ይከታተሉ ከምዘለዉን ይሕብር። ዩክሬን ነዞም መጥቃዕቲታት ብወግዒ ከም ስራሕታ ኣይትእመን እኳ እንተኾነት፡ እቶም ምንቅስቓሳት ንስርዓት ፑቲን ንምድኻም ዝዓለሙ ምዃኖም ተሳታፊታት ይገልጹ።