Tigraay Bahaatti Socho'i Waraanaa Deebi'ee Walitti Bu'iinsi Ni Uumma Sodaa Jedhu Uume

Tigraay bahaa keessattii fi naannoo magaalaa Wuqrootti socho'a waraanaa haaraa mul'atuun walqabatee walitti bu'iinsi deebi'ee ka'uu danda'a sodaan jedhu ummata biratti guddataa jira. Jiraattotni akkuma ibsanitti, humnoonni Tigraay bakkeewwan waraana kibbaa irraa deebi'uun gara magaalaa Wuqroo galanii, itti fufuunis gara garren Za'enaa, Tsargadaa, Gar'altaa fi Atsbiitti gargar qoodamanii buufatanii jiru. Gama biraatiin, humnoonni mootummaa federaalaa fi humnoonni nagaa Tigraay gara naannoo Agula'iittii fi bakkeewwan dhiyoo jiranitti socho'aa akka jiran gabaasameera. Walitti bu'iinsi naannichaatti uumamee kan hin jirre ta'us, humnoonni meeshaa gurguddaa qabatanii walitti dhihaachuun isaanii sodaa guddaa uumeera.