ኣብ ዶባት ትግራይ፡ ኣምሓራን ዓፋርን ኲናት ተፋፋcounter፣ ኤርትራ ኣብቲ ውግእ ምእታዋ ዝቐረበላ ክሲ ነጺጋቶ

ኣብ ሰሜን ኢትዮጵያ ኣብ መዳውብቲ ክልላት ትግራይ፡ ኣምሓራን ዓፋርን ኲናት ዳግም ተዛዚሙ ኣብ ዘሎሉ እዋን፡ ምክትል ኣዛዚ 'ሓይሊ ሰላም ትግራይ' ኰሎኔል በርሀ ባራኺ (ወዲ ራያ)ን ኣመራርሓ ክልል ዓፋርን ሰራዊት ኤርትራ ምስ ሓይልታት ትግራይ (ህወሓት) ተሰሊፉ ኣብ ውግእ ይሳተፍ ኣሎ ክብሉ ከሲሶም። ሚኒስተር ዜና ኤርትራ ኣቶ የማነ ገብረመስቀል ንቢቢሲ ኣብ ዝሃቦ ምላሽ ነቲ ክሲ ምሉእ ብምሉእ ብምነጻግ፡ እቲ ክሲ ስርዓት ብልጽግና ካብ ውሽጣዊ ቅልውላዋቱ ኣቓልቦ ንምጥምዛዝ ዝፈጥሮ ልሙድ ምስምስ እዩ ክብል ገሊጽዎ። ኣብቲ ዞባ ኣብ እተፈላለዩ ግምባራት ወተሃደራዊ ምንቅስቓሳት ይቕጽሉ ምህላዎም እውን ተሓቢሩ።