ኣብ ኦሮምያ፣ ደቡብ ኢትዮጵያን ሞያለን ብዘጋጠመ መጥቃዕቲ ልዕሊ 90 ሰባት ተቐቲሎም

ኣብ ዝሓለፈ ሰሙን ኣብ ክልል ኦሮምያ፣ ደቡብ ኢትዮጵያን ከተማ ሞያለን ብዘጋጠመ ተኸታታሊ መጥቃዕቲ ብውሕዱ 90 ሰባት ከም ዝተቐተሉ ቢቢሲ ኣቃሊሑ። ኣብ ዞባ ኣርሲ ጥራይ ልዕሊ 60 ሰባት ክቕተሉ ከለዉ፣ ፋብሪካ ሽኮር ፊንጫእ እውን መጥቃዕቲ በጺሕዎ እዩ። መንግስቲ ነቲ መጥቃዕቲ 'ሸኔን ጽምዶን' ከም ዝፈጸምዎ ክገልጽ ከሎ፣ እቲ ዕጡቕ ጕጅለ ግን እቲ ክሲ ኣይተቐበለን። ብተወሳኺ ኣብ ሞያሌ ብሰንኪ ምስሕሓብ ዶብ ክልል ኦሮምያን ሶማሌን ብዝተለዓለ ግጭት ብውሕዱ ትሽዓተ ሰባት ተቐቲሎም። ኣብ ደቡብ ኢትዮጵያ፣ ብፍላይ ኣብ ዞባ ቡርጂ እውን ተመሳሳሊ መጥቃዕትታት ተፈጺሙ እዩ።