ሕክምና መትሎ ንምዕባይ ዘለዎ ሓደጋን መጠንቀቕታ ሓኻይምን

ኣብ ዓባይ ብሪጣንያ ወዲ ተባዕትዮ መትሎኦም ንምዕባይ ብ'ሃያሉሮኒክ ኣሲድ' ዝግበር ሕክምናታት እናሰፍሐ ከም ዝመፀ ይግለፅ ኣሎ። እንተዀነ ግን፡ ማሕበር ሓኻይም ዩሮሎጂያዊ መጥባሕቲ ብሪጣንያ፡ እዚ ሕክምና እዚ ዘስዕቦ ሓደጋታት ጥዕና ኣመልኪቱ መጠንቀቕታ ኣውፂኡ ኣሎ። ገለ ተሓካሚታት ድሕሪ ሕክምና ቆርበቶም ከም ዝተለሓፀን ሕብርቶም ከም ዝተቐየረን ብምዝራብ ናብ ክፍሊ ህጹጽ ረዲኤት ከም ዝኣተዉ ተሓቢሩ። ኣብ ዓባይ ብሪጣንያ እዚ ሕክምና ንምግባር ብሕክምና ዝተመረቐ ክኸውን ዝግድድ ጥቡቕ ሕጊ የለን። ዶክተር ጃቬድ ሑሴን፡ እዚ መትሎ ናይ ምርጓድ ኣገልግሎት ን6 ክሳብ 9 ኣዋርሕ ጥራይ ዝጸንሕ ግዝያዊ ውፅኢት ከም ዘለዎ ገሊፆም፡ ቅድሚ ሕክምና ጥልቅ ምኽክርን ክትትልን ከም ዘድሊ ኣስሚሮምሉ።