የአዋሽ ባንክ ሀብት ከ624 ቢሊዮን ብር በላይ ደረሰ

አዋሽ ባንክ በ2018 በጀት ዓመት መጨረሻ የነበረው ጠቅላላ ሀብት በ41 በመቶ አድጎ 624 ቢሊዮን ብር መድረሱን አስታወቀ። ባንኩ በቅርቡ ባካሄደው ጠቅላላ ጉባኤ እንዳስታወቀው፣ የተጣራ ትርፉም በ49 በመቶ ዕድገት በማሳየት 38.3 ቢሊዮን ብር ደርሷል። የተቀማጭ ገንዘብ መጠኑም 469.3 ቢሊዮን ብር የደረሰ ሲሆን፣ ይህም በኢትዮጵያ የግል ባንኮች ዘርፍ ከፍተኛው ነው። የባንኩ የተከፈለ ካፒታል ወደ 38.5 ቢሊዮን ብር በማደግ የኢትዮጵያ ብሔራዊ ባንክ ያስቀመጠውን የ5 ቢሊዮን ብር መስፈርት አሟልቷል። በተጨማሪም ባንኩ በበጀት ዓመቱ 15.77 ቢሊዮን ብር ግብር የከፈለ ሲሆን፣ በዘርፉ በላቀ አፈጻጸሙም ዓለም አቀፍ እውቅና አግኝቷል።