Qabeenyi Baanki Awash Birrii biliyoona 624 irra ga'e

Baankiin Awash xumura bara baajataa 2025/26 qabeenyi isaa waliigalaa dhibbeentaa 41 guddachuudhaan birrii biliyoona 624 irra ga'uu beeksiseera. Walgahii waliigalaa qooda fudhattootaa irratti akka ibsametti, bu'aan qulqulluun baankichaa dhibbeentaa 49 guddatee birrii biliyoona 38.3 ga'eera. Qabeenyi kuufame (deposit) birrii biliyoona 469.3 ga'e, kaappitaalli kafalame immoo gara biliyoona 38.5 ol guddateera. Kunis sadarkaa Baankiin Biyyooleessaa Itoophiyaa kaappitaala kafalameef kaa'e birrii biliyoona 5 ol ta'uu isaa agarsiisa. Baankiin kun bara baajataa keessa gibira birrii biliyoona 15.77 kaffaleera. Akkasumas, magazinni Global Finance yeroo shanaffaaf baankicha baankiin Itoophiyaa isa gaarii jedhee badhaaseera.