ሀብቲ ባንኪ ኣዋሽ ልዕሊ 624 ቢልዮን ብር በፂሑ

ባንኪ ኣዋሽ ክሳብ መወዳእታ በጀት ዓመት 2025/26 ጠቕላላ ሀብቱ ብ41 ሚኢታዊ ብምዕባይ 624 ቢልዮን ብር ከም ዝበጽሐ ኣፍሊጡ። ባንኪ ኣብ ዘካየዶ ሓፈሻዊ ኣኼባ መሳተፍቲ፡ ንጹር ረብሕኡ ብ49 ሚኢታዊ ብምዕባይ 38.3 ቢልዮን ብር ከም ዝበጽሐ ገሊጹ፤ እዚ ድማ ኣብ ታሪኽ ብሕቲ ባንክታት ኢትዮጵያ ዝለዓለ እዩ። ተቀማጦ ገንዘብ ናብ 469.3 ቢልዮን ብር ዓብዩ፡ ዝተኸፍለ ካፒታል ድማ ናብ 38.5 ቢልዮን ብር ብምዕባይ ነቲ ብባንኪ ማእከል ኢትዮጵያ ዝተቀመጠ 5 ቢልዮን ብር መምዘኒ ሓሊፉዎ። ባንኪ ኣብቲ በጀት ዓመት 15.77 ቢልዮን ብር ግብሪ ዝኸፈለ ኮይኑ፡ ካብ መጽሔት 'ግሎባል ፋይናንስ' ንሓምሻይ ግዜ ተኸታቲሉ 'ሉኡል ባንኪ ኢትዮጵያ' ዝብል ሽልማት ረኺቡ።