ትካል ፋይናንስ ልምዓት ብሪታንያ (BII) ኣብ ኢትዮጵያ ኢንቨስትመንት ንምግባር መዲቡ

ትካል ፋይናንስ ልምዓት ብሪታንያ (BII) ካብ 2026 ክሳብ 2031 ኣብ ኣፍሪካ 6.7 ቢሊዮን ዶላር ንምውፋር ሓድሽ ስትራቴጂ ኣውጺኡ። እቲ ትካል ካብቲ ናይ ባዕሉ ካፒታል ብተወሳኺ፣ ምስ ውሽጣዊ ተቋማት ፋይናንስን ግሊ ባለሀብታትን ብምሕባር ተወሳኺ ናይ ግሊ ፋይናንስ ንምስሓብ ይጽዕር ኣሎ። ኢትዮጵያ፣ ኬንያ፣ ኡጋንዳን ታንዛኒያን ከም ዋና ሸቶታት እቲ ኢንቨስትመንት ተለልዮም ኣለዉ። ዕላማ እቲ ስትራቴጂ ንንግድን መሠረተ ልማትን ዘድሊ ነዊሕ እዋን ዝወስድ ፋይናንስ ንምዕባይ እዩ። ዋላ እኳ ኢትዮጵያ ካብተን ኣብቲ ስትራቴጂ ዝተኻተታ ሃገራት እንተኾነት፣ ርእሰ መመሕደር እቲ ትካል ሌስሊ ማስትዶርፕ ኣብ ኢትዮጵያ ብዛዕባ ዝግበሩ ፍሉያት ፕሮጀክታት ወይ መጠን ሓገዝ ገንዘብ ክሳብ ሕጂ ኣይገለጹን። እዚ ስጉምቲ፣ ኢትዮጵያ ዘርፊ ባንክታ ንወጻኢ ባለሀብታት ዝኸፈተትሉን ናይ ወጻኢ ምንዛሪ ለውጥታት ዘካየደትሉን እዋን መጺኡ።