ቢሮ ኦዲት ኢትዮጵያ ኣብ ልዕሊ ኦዲተራት ወሲዱዎ ዘሎ ናይ ሕጊ ስጉምቲ ኣፍሊጡ

ቢሮ ኦዲት ኢትዮጵያ ኣብ ዝገበሮ ናይ ሰለስተ ኣዋርሕ መጽናዕቲ፡ ኣብ ልዕሊ ሰለስተ ናይ ኦዲት ትካላት ከምኡውን ሓደ ናይ ሂሳብ ትካል ክሲ ከም ዝመስረተ ኣፍሊጡ። ቢሮ ንሕጊ ካብ ዝግበር ጥሕሰት ወጻኢ ዝረኸቦም ሰለስተ ፋይላት ናብ ቤት ፍርዲ ዝለኣኸ እንትኸውን፡ ኣብ ልዕሊ ክልተ ሰብ ሞያ መቕጻዕቲ ከምኡውን ናይ ሓደ አካውንታንት ፍቃድ ከም ዝተሰረዘ ገሊጹ። እዚ ስጉምቲ ኣብ እዋን እታ ሃገር ናይ ካፒታል ዕዳጋ ንምምስራት ኣብ ትገብሮ ዘላ ምድላው ንቁጥጽር ንምሕያል ዝግበር ዘሎ ጻዕሪ እዩ። ተጠባባቂ ዋና ዳይሬክተር ቢሮ ኦዲት ኢትዮጵያ ኣቶ ወቤሸት ታደለ፡ ትካላት ንባንክታት ሓደ፡ ንቢሮ እቶት ድማ ካልእ ሓሶት ዝሓዘ ጸብጻብ ሂሳብ ብምቕራብ ዝገብርዎ ዘለዉ ሽርሒ ንምቁራጽ ጥብቂ ቁጥጽር ይግበር ከም ዘሎ ኣመልኪቶም። ብተወሳኺ ቢሮ ሓድሽ ናይ ፍቃድ መምርሒ ዘውጽአ እንትኸውን፡ ባንክታት ልቓሕ ቅድሚ ምሃቦም ኣቕረብቲ ልቓሕ ዘቕርብዎ ጸብጻብ ሂሳብ ብቢሮ ኦዲት ዝተረጋገጸ ምዃኑ ከረጋግጹ ኣዚዙ ኣሎ።