የፈረንሳዩ ካርፉር በኢትዮጵያ ስራውን ሊጀምር ነው

የፈረንሳዩ የችርቻሮ ንግድ ኩባንያ ካርፉር ከህዳር 29 ቀን 2017 ዓ.ም ጀምሮ በኢትዮጵያ በይፋ ስራውን እንደሚጀምር ሚድሮክ ኢንቨስትመንት ግሩፕ አስታወቀ። ይህ ስምምነት ካርፉር ከኩዊንስ ሱፐርማርኬት ጋር ባደረገው የፍራንቻይዝ ስምምነት መሰረት የተፈጠረ ነው።

በአሁኑ ወቅት 15 ቅርንጫፎች ያሉት ኩዊንስ ሱፐርማርኬት ወደ ካርፉር ብራንድ እየተቀየረ ሲሆን እስከ 2027 ዓ.ም ድረስ የሱፐርማርኬቶችን ቁጥር ወደ 31 ለማድረስ ታቅዷል። ይህ ትብብር የኢትዮጵያ ምርቶችን እንደ ቡና፣ ሻይ፣ ቅመማ ቅመም እና አበቦች ወደ ካርፉር ዓለም አቀፍ መረብ ለማስተዋወቅ እድል ይሰጣል። ካርፉር ከ40 በሚበልጡ ሀገራት ከ15,000 በላይ መደብሮች ያሉት ትልቅ ዓለም አቀፍ ኩባንያ ነው።