ኩባንያ ካርፉር ኣብ ኢትዮጵያ ስርሑ ክጅምር እዩ

ፈረንሳዊ ኩባንያ መሸጣ ቸርቻሮ ካርፉር ካብ 8 ታሕሳስ 2017 ዓ.ም ጀሚሩ ኣብ ኢትዮጵያ ስርሑ ብወግዒ ከምዝጅምር ሚድሮክ ኢንቨስትመንት ግሩፕ ኣፍሊጡ። እዚ ስምምዕነት ካርፉር ምስ ኩዊንስ ሱፐርማርኬት ዝተፈራረሞ ናይ ፍራንቻይዝ ስምምዕነት ዝሰዓበ እዩ።

ሕጂ 15 ጨንፈራት ዘለዎ ኩዊንስ ሱፐርማርኬት ናብ ብራንድ ካርፉር ናይ ምቕያር ስራሕ ይካየድ ኣሎ። ክሳብ ዓመት 2027 ቁጽሪ ሱፐርማርኬታት ናብ 31 ንምብጻሕ ውጥን ተታሒዙ ኣሎ። እዚ ምትሕብባር ነቲ ናይ ኢትዮጵያ ሕርሻዊ ፍርያት ከም ቡን፡ ሻሂ፡ ቅመማ ቅመምን ዕንበባታትን ናብ ዓለምለኻዊ መርበብ ካርፉር ንምእታው ዕድል ክፈጥር እዩ። ካርፉር ኣብ ልዕሊ 40 ሃገራት ልዕሊ 15,000 ድኳናት ዘለዎ ዓቢ ዓለምለኻዊ ኩባንያ ኮይኑ ኣብ 2024 ጥራይ 94.6 ቢሊዮን ኤውሮ መኽሰብ ኣመዝጊቡ ኣሎ።