ምርቲ ቡን ኢትዮጵያ ብሰንኪ መምርሒ ሕብረት ኤውሮጳ ኣብ ሓደጋ ወዲቑ

ሓዲሽ መፅናዕቲ ODI Global ከም ዘመልክቶ፣ ኢትዮጵያ ብሰንኪ ሓደሽቲ መምርሒታት ከባቢ አየር ሕብረት ኤውሮጳ ክሳብ 453 ሚሊዮን ዶላር ናይ ቡን መሸጣ ክትስእን ትኽእል እያ። እቲ ሓድሽ ሕጊ ንምርቲ ቡን ንምፅራይ መበገሲኡን ቦታ ምርቱኡን ከምኡ እውን ምስ ሕጊ ዝሰማማዕ ምዃኑ ዘረጋግፅ መርትዖ የድልዮ። እዞም ጥብቅ መለክዒታት ዘየማልኡ መካየዲታት ቡን ናብ ዕዳጋ ሕብረት ኤውሮጳ ከይኣትዉ ስግኣት ተፈጢሩ ኣሎ። ቡን መሰረታዊ ምንጪ ሸርፊ ወፃኢ ኢትዮጵያ ስለዝኾነ፣ እዚ ሓድሽ መምርሒ ኣብ ኢኮኖሚ ሃገር ዓቢ ፅልዋ ክህልዎ ይኽእል እዩ። ብርክት ዝበሉ ተዋሳእቲ እቲ ዓውዲ ነዚ ንምክልኻል ግቡእ ምድላዋት ክገብሩ ከም ዘለዎም ተገሊፁ።