የግብርና ሚኒስቴር የወተት ምርቶች ካንሰር አምጪ ናቸው የሚለውን ወሬ አስተባበለ

የግብርና ሚኒስቴር ሰሞኑን በማህበራዊ ሚዲያ እና በሌሎች መገናኛ ብዙሃን ስለ ወተት ምርቶች ሲሰራጭ የነበረውን መረጃ አስተባብሏል። የሚኒስቴሩ የእንስሳት ሀብት እና ዓሣ ልማት ዘርፍ አማካሪ ወይዘሮ ፅጌረዳ ታደሰ እንደገለጹት፤ በወተት ምርቶች ላይ ካንሰር አምጪ ንጥረ ነገሮች ተጨምረዋል የሚለው መረጃ መሰረተ ቢስ ነው። እስካሁን በተደረጉ ምርመራዎች በምርቶቹ ላይ አደገኛ ወይም ካንሰር አምጪ ንጥረ ነገሮች መኖራቸውን የሚያሳይ ምንም አይነት ማስረጃ የለም ብለዋል። ህብረተሰቡ እየተሰራጨ ያለውን የተሳሳተ መረጃ እንዲያውቅ እና ከስጋት እንዲጠበቅ ሚኒስቴሩ ጥሪ አቅርቧል።