ሚኒስትሪ ሕርሻ ወተት ካንሰር የዘርእ እዩ ዝብል ወረ ኣሉታ ገይርዎ

ሚኒስትሪ ሕርሻ ኣብዚ ቀረባ መዓልታት ኣብ ማሕበራዊ ሚዲያን ካልኦት መራኸቢ ብዙሓንን ብዛዕባ ወተት ምርቶት ክዘርጋ ዝነበረ ወረ ኣሉታ ገይርዎ። ኣማኻሪት ዘርፊ ሃፍቲ እንስሳትን ምዕባለ ዓሳን እቲ ሚኒስትሪ ወይዘሮ ፅጌረዳ ታደሰ ከምዝገለፅኦ፡ ኣብ ወተት ምርቶት ካንሰር ዘምፅኡ ባእታታት ተወሲኾም ዝብል ሓበሬታ መሰረት ዘይብሉ እዩ። ክሳብ ሕዚ ብዝተገበረ መርመራ ኣብቲ ምርቶት ሓደገኛ ወይ ካንሰር ዘምፅኡ ባእታታት ከምዘለዉ ዘመልክት ምንም ዓይነት መረዳእታ የለን ኢለን። ህዝቢ እቲ እናተዘርግሐ ዘሎ ጌጋ ሓበሬታ ንኽፈልጥን ካብ ስግኣት ንኽድሕንን እቲ ሚኒስትሪ ፃውዒት ኣቕሪቡ።