Ministeerri Qonnaa oduu oomishaalee aannan kansarii fidu jedhu soba jedhe

Ministeerri Qonnaa oduu guyyoota darban miidiyaalee hawaasaa fi miidiyaalee biraatiin oomishaalee aannan irratti tatamsa'aa ture soba jedheera. Gorsaan damee qabeenya bineensotaa fi misooma qurxummii Ministeerichaa adde Tsigeredaa Taaddasaa akka ibsanitti, oomishaalee aannan irratti wantoota kansarii fidan itti dabalamaniiru jedhamee odeeffamu kun bu'uura kan hin qabne dha. Hangana qorannoon gaggeeffameen oomishicha keessa wantoonni miidhaa geessisan ykn kansarii fidan jiraachuu isaanii kan mirkaneessu ragaan tokkollee hin jiru jedhaniiru. Ministeerichi hawaasni odeeffannoo dogoggoraa kana akka hubatuu fi sodaa irraa akka of qusatu dhaameera.