የዘምዘም ባንክ ተቀማጭ ገንዘብ ከ22 ቢሊዮን ብር በላይ ደርሷል

የዘምዘም ባንክ ባካሄደው የባለ አክሲዮኖች ጉባኤ የ2025/26 የፋይናንስ አፈጻጸሙን ይፋ አድርጓል። ባንኩ አጠቃላይ የተቀማጭ ገንዘብ መጠኑ 22.2 ቢሊዮን ብር፣ እንዲሁም አጠቃላይ የሀብት መጠኑ 29.24 ቢሊዮን ብር መድረሱን ዋና ሥራ አስፈፃሚዋ ወ/ሮ መሊካ በድሪ አስታውቀዋል። የባንኩ ከግብር በፊት የተገኘው ትርፍ 1.56 ቢሊዮን ብር ሲሆን አጠቃላይ ገቢው ከ3 ቢሊዮን ብር በላይ መሆኑ ተገልጿል።

ባንኩ የደንበኞቹን ቁጥር ካለፈው ዓመት ጋር ሲነጻጸር በ56 በመቶ በማሳደግ ወደ 973,441 ማድረስ መቻሉ ተመልክቷል። ይህ ዕድገት በዋናነት የዲጂታል እና የቴክኖሎጂ አማራጮችን በማስፋፋት የተገኘ መሆኑ ተብራርቷል። በተጨማሪም ባንኩ ያለው የተከፈለ ካፒታል 5.64 ቢሊዮን ብር ደርሷል።