Baankiin ZamZam qabeenyi isaa Birrii biliyoona 22 ol ga'uu beeksise

Baankiin ZamZam guyyaa har'aa walga'ii abbootii qabeenyaa isaa irratti raawwii hojii faayinaansii bara 2025/26 ifa godheera. Hoji gaggeessituun olaantuun baankichaa, aadde Maliikaa Badrii, bakka bu'uun akka ibsanitti, kuufamni maallaqaa waliigalaa baankichaa Birrii biliyoona 22.2, qabeenyi waliigalaa ammoo Birrii biliyoona 29.24 ga'eera. Baankiin kun bu'aa gibira dura Birrii biliyoona 1.56 argateera; galii waliigalaa isaas Birrii biliyoona 3 ol ta'uun beekameera.

Baankiin kun lakkoofsa maamila isaa waggaa darbee waliin yeroo madaalamu dhibbeentaa 56n guddisee gara maamiltoota 973,441tti geessiseera. Guddinni kun kan danda'ame filannoowwan dijitaalaa fi teeknooloojii babal'isuun akka ta'e ibsameera. Kana malees, kaappitaalli kaffaltii baankichaa Birrii biliyoona 5.64 ga'uun beekameera.