የሞጆ እና የደብረብርሃን የሴራሚክስ ፋብሪካዎች ወደ ተፈጥሮ ጋዝ ኃይል ተሸጋገሩ

በሞጆ እና ደብረብርሃን ከተሞች የሚገኙ ሁለት ዋና ዋና የሴራሚክስ ፋብሪካዎች የኃይል ምንጫቸውን ሙሉ በሙሉ ወደ ሀገር ውስጥ የተፈጥሮ ጋዝ ቀይረዋል። እነዚህ ፋብሪካዎች ከዚህ በፊት በከፍተኛ የውጭ ምንዛሬ በሚገዛ ነዳጅ ይንቀሳቀሱ እንደነበር የተገለጸ ሲሆን፣ አሁን ግን ከነዳጅ ጥገኝነት ሙሉ በሙሉ ተላቀዋል።

ይህ ለውጥ የምርት ወጪን በመቀነስ የሴራሚክስ ምርቶች በተመጣጣኝ ዋጋ ለገበያ እንዲቀርቡ እና የቤት ግንባታ ወጪን እንዲቀንሱ ያስችላል። ጋዝን ከጎዴ ለማጓጓዝ በአዳማ ልዩ ማደያዎች የተገነቡ ሲሆን፣ በቀጣዮቹ ሶስት ወራት ውስጥ ተጨማሪ 100 የጋዝ ትራኮች ወደ ሀገር ውስጥ ይገባሉ ተብሎ ይጠበቃል።