ፋብሪካታት ሴራሚክስ ሞጆን ደብረብርሃንን ናብ ሓይሊ ጋዝ ተሰጋጊሮም

ኣብ ከተማታት ሞጆን ደብረብርሃንን ዝርከቡ ክልተ ዓበይቲ ፋብሪካታት ሴራሚክስ፡ ምንጪ ሓይሎም ምሉእ ብምሉእ ናብ ውሽጣዊ ባህርያዊ ጋዝ ቀይሮም ኣለዉ። እዞም ፋብሪካታት ቀደም ብወፃኢ ሸርፊ ዝግዘኣ ነዳዲ ይጥቀሙ ከም ዝነበሩ ዝተገለፀ ኮይኑ፡ ሕጂ ግን ካብ ነዳዲ ምሉእ ብምሉእ ተገላጊሎም ኣለዉ።

እዚ ለውጢ እዚ ወፃኢታት ምፍራይ ብምንካይ፡ ፍርያት ሴራሚክስ ብውሕድ ዋጋ ናብ ዕዳጋ ከምዝቀርቡን ወፃኢ ህንፀት ኣባይቲ ከምዝንኪን ክገብር እዩ። ጋዝ ካብ ጎዴ ንምጓዓዝ ኣብ ኣዳማ ፍሉያት መዕረፊታት ዝተሃንፁ ኮይኑ፡ ኣብ ዝቕፅሉ ሰለስተ ኣዋርሕ ድማ 100 መጓዓዝያ ጋዝ ናብ ሃገር ከምዝኣትዉ ይፅበ።