Warshaawwan Siiraamikii Mojo fi Dabrazayyiin gara anniisaa gaazii uumamaatti ce'an

Warshaawwan siiraamikii gurguddaa magaalaawwan Mojo fi Dabrazayyiitti argaman lama maddisaa anniisaa isaanii guutummaatti gara gaazii uumamaa biyya keessaatti jijjiiranii jiru. Warshaawwan kunneen kanaan dura boba'aa alaa galuun kan hojjechaa turan yoo ta'u, amma garuu guutummaatti hirkattummaa boba'aarraa bilisa ta'aniiru.

Jijjiiramni kun baasii oomishaa hir'isuun oomishonni siiraamikii gatii madaalamaa ta'een akka gabaa qabatan fi baasii ijaarsa manaa akka hir'isu gargaara. Gaazii Goderraa geejjibuuf buufatonni addaa Adaamatti ijaaramee kan jiru yoo ta'u, ji'oota sadii dhufan keessatti konkolaattoonni gaazii 100 dabalataa biyya keessa akka galan eegama.