የኢትዮጵያ መገናኛ ብዙኃን ባለስልጣን የሪፖርተር ጋዜጣን ፈቃድ አገደ

የኢትዮጵያ መገናኛ ብዙኃን ባለስልጣን ሪፖርተር (አማርኛ እና እንግሊዝኛ) ጋዜጦች እና ዲጂታል ፕላትፎርሞቻቸው የምዝገባ ምስክር ወረቀት ከጥቅምት 23 ቀን ጀምሮ ላልተወሰነ ጊዜ ማገዱን አስታውቋል። ባለስልጣኑ ባለፉት አንድ ዓመት ባደረገው ክትትል፣ ሚዲያው የህግ እና የሙያ ስነ-ምግባር ጥሰቶችን መፈጸሙን ገልጿል።

በተጠቀሱት ጥሰቶች መካከል ከሀገር ብሔራዊ ጥቅም ጋር የሚጻረሩ ይዘቶችን ማሰራጨት፣ በኢኮኖሚና ፖለቲካ ጉዳዮች ህብረተሰቡን ግራ የሚያጋቡ መረጃዎችን መዘገብ እንዲሁም የሀገርን ገጽታ የሚያጠለሹ ዘገባዎች ይገኙበታል። ባለስልጣኑ ቀደም ሲል ማስጠንቀቂያዎችን ቢሰጥም መሻሻል ባለመታየቱ እርምጃውን መውሰዱን ገልጿል።