ፋኦ ሀገራት ኣፍሪካ መፍረያ ብክነት ንምቅናስ ቴክኖሎጂ ክጥቀማ ይግባእ ኢሉ

ምክትል ዳይሬክተርን ወከልቲ ፋኦ ኣብ ዞባ ኣፍሪካ ኣበበ ሃይለ-ገብርኤል ከም ዝገለጽዎ፡ ሃገራት ኣፍሪካ ንጸገም ውሕስነት መግብን ዝቃልዓ ዘለዋ ብሰንኪ ትሕቲ ዓቐን ምህርቲ ጥራይ ዘይኮነስ፡ ነቲ ዝረኽብዎ ምህርቲ ብግቡእ ተጠቒመንሉ ስለዘይክእላ እዩ። ኣብቲ ኣህጉር ዘሎ ብክነት ምህርቲ ንምቅናስ፡ ቴክኖሎጂ ዝሰረቱ ኣሰራርሓ ክትግበር ከምዘለዎ ኣገንዚቦም። ሃገራት ኣፍሪካ ኣብ ምህርቲ ጥራይ ዘይኮነስ፡ ዝተረኽበ ፍርያት ካብ ብክነት ንምድሓንን ብግቡእ ንምጥቃምን ዘኽእል መሰረተ ልማዓታት ከዘምኽና ከምዘለወን ኣበበ ኣተሓሳሲቦም።