Mootummaan naannoo Soomaalee hoggantoonni nageenyaa walitti bu'iinsa Moyyaalee balaaleffatan

Mana maree nagaa fi tokkummaa naannoo Soomaalee waldhabdee guyyoota hedduuf magaalaa Moyyaalee keessatti gaggeeffamaa jiru balaaleffate. Bakka bu'aan mana marichaa Ugaas Alii Boruu akka jedhanitti, waldhabdeen kun kan nama qaana'u fi sababa haaraa tokkollee kan hin qabne dha; ummanni kun waggoota 35 oliif walitti dhufeenyaan jiraataa ture jedhan. Mootummaan naannoo Oromiyaa fi Soomaalee akkasumas mootummaan federaalaa giddu seenanii waraana kana hatattamaan dhaabsisanii gara mariitti akka deebi'an gaafataniiru.

Ugaas Alii akka ibsanitti, waldhabdeen kun nageenya naannichaa booressuuf kan yaalame malee dhimma furmaata haaraa barbaadu miti. Waraanni kun torban tokkoo ol kan lakkoofsise yoo ta'u, hanga ammaatti mootummaan federaalaa fi bulchiinsonni naannolee lameenii ibsa kennuu baatanis, mana mareen kun mootummootni kunneen hatattamaan mari'achuu akka qaban dhaamaniiru.