ባይቶ ሰላምን ሓድነትን ክልል ሶማሌ ኣብ ሞያለ ዝካየድ ዘሎ ግጭት ኣውጊዙ

ባይቶ ሰላምን ሓድነትን ክልል ሶማሌ ንኣብ ከተማ ሞያለ ንመዓልታት ዝጸንሐ ግጭት ብትሪ ኣውጊዙ። ወኪል እቲ ባይቶ ዑጋዝ ዓሊ ቦሮው ንዶይቼ ቨለ ከም ዝገለጽዎ፡ እቲ ግጭት ዘሕፍርን ምንም ሓድሽ ምኽንያት ዘይብሉን እዩ። እቶም ንነዊሕ ዓመታት ብሓባር ዝነበሩ ክልል ክልላት፡ መንግስቲ ፌደራል ኢዱ ኣእቲዩ ነቲ ውግእ ብቕልጡፍ ከቋርጾን ናብ ዘተ ክምለሱን ጻውዒት ኣቕሪቦም።

ዑጋዝ ዓሊ ከም ዝበልዎ፡ እቲ ግጭት ንከባቢ ንምዝራግ ዝግበር ፈተነ እዩ እምበር ሓድሽ ፍታሕ ዝደሊ ጉዳይ ኣይኮነን። እቲ ግጭት ሰሙን ኣብ ዘቑጸረሉ እዋን፡ መንግስቲ ፌደራልን በብደረጅኡ ዘለዉ ኣመሓደርቲ ክልል ኦሮምያን ሶማሌን ክሳብ ሕጂ ወግዓዊ መግለጺ እኳ እንተዘይሃቡ፡ እቲ ባይቶ ግና እቶም ክልል ክልላት ምስ መንግስቲ ፌደራል ብሓባር ክዘራረቡ ከም ዘለዎም ኣተሓሳሲቦም።