በአርሲ ጥቃት ጉዳይ የኢትዮጵያ አሜሪካውያን ድርጅቶች ዲፕሎማሲያዊ ግፊት እያደረጉ ነው

የኢትዮጵያ አሜሪካውያን የሲቪል ድርጅቶች በኦሮሚያ ክልል አርሲ ዞን በኦርቶዶክስ ክርስቲያኖች ላይ የተፈጸመውን ጥቃት ተከትሎ፣ ለአሜሪካ መንግሥትና ለዓለም አቀፍ ማኅበረሰብ አስቸኳይ እርምጃ እንዲወሰድ ጥሪ እያቀረቡ ነው። እንደ የኢትዮጵያ ኦርቶዶክስ ተዋሕዶ ቤተክርስቲያን መረጃ፣ በአካባቢው ቢያንስ 60 ሰዎች ተገድለዋል።

የሰብአዊ መብት ተሟጋቾች አቶ መስፍን መኮንን እና ዶክተር መኮንን ዶያሞ፣ ዲሴምበር 11 በዋሽንግተን ዲሲ በሚካሄደው ስብሰባ ላይ ጉዳዩን እንደ ዋና አጀንዳ እንደሚይዙት አስታውቀዋል። በስብሰባው ላይ የዩኤስ ውጭ ጉዳይ መሥሪያ ቤት፣ የአፍሪካ ኅብረት፣ የተባበሩት መንግሥታት እና የሰብአዊ መብት ድርጅቶች ተወካዮች እንደሚገኙ ይጠበቃል። የኦሮሚያ ክልል ባለሥልጣናት በበኩላቸው፣ በአካባቢው ሰላምን ለማስከበርና የተጎዱትን መልሶ ለማቋቋም እየሰሩ መሆናቸውን ገልጸዋል።