ዓቕሚ ሓይሊ ጸዓት ኢትዮጵያ ንምትሕብባር ኣፍሪቃ

ወከልቲ ማሕበር ጸዓት ጸሓይ ኡጋንዳን ማሕበር ጸዓት ጸሓይ ናይጀርያን፡ ኢትዮጵያ ዘለዋ ዓቕሚ ጸዓት ንምትሕብባር ኣፍሪቃ መሰረት ክኸውን ከም ዝኽእል ገሊጾም። ወኪል ኡጋንዳ ፓዲ ባኬንጋና፡ ኣብ ዓውዲ ሕርሻ ቴክኖሎጂታት ጸዓት ጸሓይ ብምጥቃም ምህርቲ ንምዕባይን ብኽነት ድሕሪ ምህርቲ ንምቕናስን ከም ዝሕግዝ ኣረዲኦም። ብተወሳኺ ኣብ መንጎ ክልቲአን ሃገራት ቴክኒካዊ ስልጠናን ምምዕባል ፖሊሲን ንምስላጥ ምትሕብባር ማሕበራት ጸዓት ኣገዳሲ ምዃኑ ኣመልኪቶም።

ብኻልእ ወገን፡ ዋና ፈጻሚት ስራሕ ማሕበር ጸዓት ናይጀርያ ሞቱንራዮ ኣኪንፋላ፡ መጓዓዝያ ብኤሌክትሪክ ዝሰርሑ ኣማራጺታት ንኢትዮጵያ፡ ናይጀርያን ካልኦት ሃገራት ኣፍሪቃን ዓቢ ናይ ምትሕብባር መድረኽ ምዃኑ ገሊጸን። እቶም ወከልቲ ንልምዓት ጸዓት ኢትዮጵያ ንምድጋፍ ኢንቨስትመንት ንምስሓብን ኣብ ምልውዋጥ ቴክኖሎጂ ንምስራሕን ኣተሓሳሲቦም ኣለዉ። እዚ ጻዕሪ ምትሕብባር ንምቕያር ዓውዲ ሕርሻን ስግግር ጽሩይ ጸዓትን ኣብ ኣህጉር ንምቅልጣፍ ዝዓለመ እዩ።