ጠ/ሚ አቢይ ኤርትራ ከኢትዮጵያ ከተገላገለች በኋላ የነበራትን የኢኮኖሚ አቅም ማጣቷን ተናገሩ

ጠቅላይ ሚኒስትር አቢይ አህመድ ከኢትዮጵያ ብሮድካስቲንግ ኮርፖሬሽን ጋር ባደረጉት ቃለ መጠይቅ፣ ኤርትራ ከኢትዮጵያ ከተገላገለች በኋላ የቀድሞ የኢኮኖሚ ጥንካሬዋን ማጣቷን ገለጹ። ጠቅላይ ሚኒስትሩ ኤርትራ የነበሯትን ከ300 በላይ ኢንዱስትሪዎች እና የከተሞች ዕድገት በማስታወስ፣ በአሁኑ ወቅት ከተሞቿ የቀድሞ ገጽታቸውን እንዳጡ ተናግረዋል። በተለይም አስመራ፣ ምጽዋ እና አሰብ ከፍተኛ የኢኮኖሚ ውድቀት ማስተናገዳቸውን ጠቅሰዋል።

ጠቅላይ ሚኒስትሩ የዚህ ውድቀት ዋና ምክንያት የኤርትራ መንግስት ቅድሚያ ለልማት አለመስጠቱ እና ከኢትዮጵያ ጋር ለሚቃረኑ አካላት ተገዢ መሆኑ ነው ብለዋል። የኤርትራ ህዝብ ተለማማጅ ቢሆንም አሁን ላለበት ችግር የውጭ ጣልቃገብነት መፍትሄ እንደማይሆንም አስታውቀዋል። በምትኩ፣ ከኢትዮጵያ ጋር ያለው የሰላም እና የልማት ትብብር ብቸኛው ዘላቂ መፍትሄ መሆኑን በመጠቆም፣ የክልሉን ሰላም የሚያደፈርሱ ተግባራት ሊያስከትሉ የሚችሉትን አደጋ አስጠንቅቀዋል።