Mummichi Ministeeraa Abiy ergii Eertiraan gargar baatee as dinagdeen ishee hir’achuu dubbatan

Mummichi Ministeeraa Abiy Ahimad, Eertiraan yeroo Itoophiyaa waliin turte sanatti industiriiwwan 300 ol akka qabduu fi magaalotni ishee akka babal'achaa turan yaadachiisanii, erga gargar baatee as garuu dinagdeen ishee hir'achuu ibsan. Magaalaan Asmaraa, Arba Minchii fi Jigjigaa irraayyuu xiqqachuu ishee fi magaalotni buufata doonii Massawaa fi Assab hojii dhabuu isaanii ibsaniiru.

Mummichi Ministeeraa rakkoon kun kan dhufe mootummaan Eertiraa misoomaaf dursaa kennuu dhabuu fi qaamolee Itoophiyaa mormanii wajjin hojjechuu irraa akka ta'e dubbataniiru. Sabni Eertiraa hojii kan jaallatu ta'us, rakkoon amma isaan mudate kun gargaarsa alaa irraa furmaata akka hin arganne ibsaniiru. Itoophiyaa wajjin walitti dhufeenya gaarii fi misooma irratti xiyyeeffachuun furmaata waaraa akka ta'e yaadachiisanii, naannichi bakka morkii humnoota alaa ta'ee itti fufuun isaa balaa geessisuu akka danda'u akeekkachiisaniiru.