ቀ/ሚ አቢይ ኤርትራ ካብ ኢትዮጵያ ካብ ትፈልለይ ንነጀው ቁጠባዊ ዓቅማ ከምዝወደቐት ገሊጾም

ቀ/ሚ አቢይ ኣሕመድ ምስ ኤቲቪ ኣብ ዘካየድዎ ቃለ መሕትት፣ ኤርትራ ካብ ኢትዮጵያ ካብ እትፈልለይ ንነጀው ዝነበራ ቁጠባዊ ዓቅሚ ከምዝወደቐ ገሊጾም። ኤርትራ ዝነበራ ልዕሊ 300 ኢንዱስትሪታትን ከተማታትን ብምዝኽኻር፣ ሕጂ ግና እተን ከተማታት ናይ ቀደም ክብረተን ከምዝሰኣና ገሊጾም። ብፍላይ ኣስመራ ካብ ገለ ኣብ ኢትዮጵያ ካብ ዘለዋ ዝዓብያ ዘለዋ ከተማታት ንታሕቲ ከምዝወረደት፣ ከምኡውን ወደባት ምጽዋዕን ዓሰብን ናብ ዝፈረሰ ከተማታት ከምዝተቀየራ ኣረዲኦም።

ቀ/ሚ አቢይ እዚ ውድቀት ናይቲ መንግስቲ ንልምዓት ቀዳምነት ዘይምሃቡን ምስ ጸላእቲ ኢትዮጵያ ወገንተኛ ምዃኑን ምዃኑ ጠቒሶም። ህዝቢ ኤርትራ ጻዕራም እኳ እንተኾነ፣ ዘለዎ ጸገም ብወገንተኛነትን ናይ ወጻኢ ሓይልታት ኢድ ኣእታውነትን ክፈታሕ ከምዘይክእል ኣገንዚቦም። ኣብ ክንድኡስ ምስ ኢትዮጵያ ብምትሕብባር ንልምዓትን ሰላምን ምስራሕ ጥራይ ከምዝኾነ ገሊጾም፣ እቲ ዞባ መድረኽ ናይ ወጻኢ ሓይልታት ኮይኑ እንተቐጺሉ ግን ከቢድ ሳዕቤን ከምዘለዎ ኣጠንቂቖም።